Folklore

Folklore

Filter By Category

Fairy Tale
Miscellaneous
Legend
Supernatural
Trickster
Tizan
View Mix Category

Share Link On Social Media

TIZAN, LOULOU EK LERA Tizan, Wolf and Rat

Summary :

Tizan is apprended by a wolf who wants to eat him. But first he instructs Tizan to feed the bird he has hunted to his dog, then to eat his dog, then he the wolf will eat Tizan. That way he will eat all 3 in one go. A rat hears this and saves Tizan by throwing its voice and proposing that after the wolf eats Tizan, he will eat the wolf. The wolf runs away.
Theme Group: Wolf threat
Character Hero: Tizan
Origin: East Africa
View Story

TIZAN, LOULOU EK LERA Tizan, Wolf and Rat

Summary :

Tizan is apprended by a wolf who wants to eat him. But first he instructs Tizan to feed the bird he has hunted to his dog, then to eat his dog, then he the wolf will eat Tizan. That way he will eat all 3 in one go. A rat hears this and saves Tizan by throwing its voice and proposing that after the wolf eats Tizan, he will eat the wolf. The wolf runs away.
Origin: East Africa
Character Hero: Tizan
Theme Group: Wolf threat
View Story

All Right Reserved To UNISEY & CI

error: Content is protected !!

TI ZAN, LOULOU EK LERA

Ti annan enn fwa en garson nonmen Ti zan. Li son letan I fini zis dan lasas; tou le zour, depi granmaten ziska tar dan lazournen I dan bwa pe sase avek son pti lisyen. En zour, letan Ti Zan ti pe fer lasas, en gro grenas lapli I pri li dan milye en gran lafore, pa tro lwen avek en gran ros sarze avek dipwav lo la. Ti Zan I taye I al maske lapli anba sa gran ros ansanm avek son pti lisyen. Letan I pe kasyet lapli, I tann brans dibwa sek krake konmsi dire en dimoun in mars lo la. I pa pran okenn ka akoz I mazinen ki petet gro gren lapli in zet en brans sek ater. Kanmenm sa I kontignen get dan direksyon kot in tann sa krake. Zis devan li I war fey karte e Ti Zan I war en gro loulou aparet devan li ek en takon lo son zepol. Loulou in fini gangn lapis Ti Zan. Depi kot I aparet I pe dir:

  • Ha! Ha! Ha! Ozordi I annan lavyann fre! Lavyannn fre!

Premye kou Ti Zan in per. I pe rode lekel sa bebet ki depi Ier i pe fer lasas I pa’n zanmen zwenn. Dan son lafreyer, Ti Zan in vin ebete e I pa konnen ki I pou fer. Loulou I aprose, I tyonbo Ti Zan, epi I konmans sot asote an santan:

“I bon I bon! I bon!” Saler loulou in lafen degre in takonn sa gro pwa lo son zepol. Dan pe egzamin ankor enn fwa Ti Zan avan ki I manz li, lizye loulou I tap lo en Golan dan son lanmen. Loulou I dir:

  • Ti Zan, ekout byen sa ki mon annan pou dir ou: Pran sa Golan ki dan ou lanmen, donn ou lisyen, ou ou a manz ou lisyen, apre mwan mon a manz ou!

Lafreyer I gangn plis lapant lo Ti Zan. I tranble koman fey dibwa. Loulou I kriye:

  • Ti Zan! Ou tande sa ki mon’n dir ou? Pran ou Golan, donn ou lisyen, ou, ou a manz ou lisyen e mwan apre mon a manz ou!

Ti Zan pa get loulou ditou. In byen tande sa ki loulou in dir, me li I pa deside obeir. Loulou I tyonbo li , I sakouy li an dizan:

  • Ti Zan! Be dir mwan, ou pa’n tande! Ti Zan, mon dir ou pran ou Golan, donn ou lisyen, ou, ou a manz ou lisyen, mwan apre mon a manz ou!

Tou sa letan, en lera ki ti a pe manz dipwa anler lo ros, ti a pe ekout tou sa ki pe pase. Loulou ti a pe fer sitan tapaz ki I ti nepli kapab kontingnen manz son dipwav. I deside alor pou regle sa zafer. Ek tou son lafors I komans kriye:

  • E ou la Ti Zan! Ou pa’n tande sa ki I’n dir ou? I’n dir ou pran ou Golan donn ou lisyen, ou ou a manz ou lisyen, li I a manz ou e mwan apre mon a manz li.

Loulou I gangn en sezisman. I pa oule krwar sa ki i’n tande akoz depi ler I lo later, I pa’n zanmen zwenn en bebet ki kapab manz li. I get partou. Ler I pa trouv nanryen, I graponn Ti Zan ankor en kou an kriyan pli dousman ki avan :

  • Ti zan! Ti Zan! Ou pa’n tande, Ti Zan? Ti Zan, mon’n dir ou pran ou Golan, donn ou lisyen, ou ou a manz ou lisyen e mwan apre mon a manz ou.

Kanmenm in koz dousman, lera anler I byen tann li. Lera I kriy pli for ki avan:

  • Be sey dir mwan Ti Zan, ou pa ankor oule tande menm? I’n dir ou pran ou Golan donn ou lisyen, ou manz ou lisyen, li I a manz ou apre la mon a trip li, mon a manz li,! E degaz ou osi, la mon pe desann!

Koman lera I dir I a pe desann, loulou I larg Ti Zan, I pran lakours. Prezan ki Ti Zan I mazin son fizi ki tou sa letan I ti’n may atraver son ledo. Me I fou en koud fizi deryer loulou. Prezan ki loulou I ouver lapay! I al kas son likou dan trou ros.

Ler Ti Zan I war en lera aparet an riyan, I pa tarde konpran sa lera ki’n sov son lavi. Li osi I pa ti nobou aret son lekor roule ater, anmezir ki I pe riye. Ler in fatige riye, Ti Zan I plim son Golan, I griye e I donn lanmwantye sa lera. Lot lanmwatye I ti anmenn se li.