Folklore

Folklore

Filter By Category

Fairy Tale
Miscellaneous
Legend
Supernatural
Trickster
Tizan
View Mix Category

Share Link On Social Media

TI ZAN, KATO EK KARANG Tizan, the Parrot and the Jackfish

Summary :

Tizan rescues a fish which promises to repay the debt when he needs him. One day Tizan loses his father’s parrot and is told to find the parrot on pain of death. Tizan seeks help from the fish which brings back the parrot. Tizan gets his own parrot, and when his father is older, he loses this parrot. Tizan imposes the same sentence on him and he dies trying to find the parrot.
Theme Group: Grateful animals
Character Hero: Tizan
Origin: Sey
View Story

TI ZAN, KATO EK KARANG Tizan, the Parrot and the Jackfish

Summary :

Tizan rescues a fish which promises to repay the debt when he needs him. One day Tizan loses his father’s parrot and is told to find the parrot on pain of death. Tizan seeks help from the fish which brings back the parrot. Tizan gets his own parrot, and when his father is older, he loses this parrot. Tizan imposes the same sentence on him and he dies trying to find the parrot.
Origin: Sey
Character Hero: Tizan
Theme Group: Grateful animals
View Story

All Right Reserved To UNISEY & CI

error: Content is protected !!

TI ZAN, KATO EK KARANG

Alor en zour ti annnan en garson ki ti apel Ti Zan. I ti pe reste zis litousel avek son papa. Son manman ti’n mor. En en zour dan son pe marse lo bor lans I war en pti karang lo lans. San ezite I anmas sa pti karang I anvoy dan delo. Sa pti karang I dir li:

  • Mersi Ti Zan. Zour ou bezwen mon servis vin dan bor lans e kriy mwan. Mon pare pou ran ou en servis zour ki ou a bezwen.

Papa Ti Zan ti annan li en kato. I ti kontan son kato konmsi son prop piti. Ti Zan toultan ti kontan swe avek sa kato en zour son papa I dir li:

  • Ti Zan si en zour ou larg mon kato ou les ale, ou pa pou reste la toultan ou pa rod li pou met dan son plas. Mon pou touy ou!

En zour letan son papa in al travay dan bwa Ti Zan I komans zwe avek sa kato kot lakaz. Enler ti’n sitan gou ki I larg sa kato e kato I pran lavol I ale. Ler son papa I vini I dir:

  • Ti Zan oli mon kato?

I dir:

  • Papa kato in sove I’n ale. Mon pa konnen kot I’n ale.

Son papa in fini ankoler. I dir:

  • Mon dir ou al sers mon kato! Si ou pa ale mon pou touy ou! Sorti ale!

Pov Ti Zan I ale, I al dan bor lans kot I ti anmas sa pti karang ki ti anvoy dan delo. I sant sa pti sanson:

“Pa karang vin ran mwan sa servis

kato papa in perdi

I’n anvoy mwan rod son kato”.

Sa karang I vini I dir ek li:

  • Ti Zan ki’n arive. Ou bezwen mon servis?

Ti Zan I dir:

  • Mon’n larg kato papa. La I’n anvoy mwan rode. Si mon pa war I pou touy mwan. Kekfwa ou a kapab ed mwan pou rod li akoz mon pa ni konnen kot I’n ale.

La sa karang I dir li:

  • Ti Zan, kato ou papa in al en landrwa ki apel Angila. Mon a va al sers pou ou, a vin donn ou. Esper mwan lanmenm lo bor lans.

Sa karang I plonz dan fon lanmer e Ti Zan pa war li ankor. En bon moman apre I retournen avek sa kato I pran I donn Ti Zan.

Ti Zan I pran sa kato I ale I al donn son papa san dir li en mo.

I arive ki li osi I rod en kato pou li. I pran I anmenn kot son papa pour li songnen. En bon pe letan I pase e son papa ti’n sitan vye ki I pa ti kapab travay. Alors Ti Zan I pran bat.

I al travay tou le bomaten dan bwa. En zour letan ti Zan in al travay, bonnonm par aksidan I larg kato Ti Zan e kato I pran lavol. Ler Ti Zan I sorti travay I dir:

  • Papa oli mon kato?

Bonnonm I dir :

  • Mon ti’n tyonbo li, I’n ale.

Ti Zan I dir avek li:

  • Fer manyer al rod mon kato! Si ou pa anmenn li la kot mwan ou pa pou viv, mon pou touy ou!

Sa bonnonm I ale. I marse dan bwa ziska I fatige me I pa war kato menm. I mazinen dan limenm ki I a pe peye pou lapenn I ti fer sa avek Ti Zan. La li osi I pas dan menm ben. I marse ziska I tonbe I mor, me kato zanmen I’n trouve.