Folklore

Folklore

Filter By Category

Fairy Tale
Miscellaneous
Legend
Supernatural
Trickster
Tizan
View Mix Category

Share Link On Social Media

SOUNGOULA EK LYON

Summary :

Soungoula pretends to teach Lion’s children, but eats them instead. When Lion finds out, he chases sougoula and plays dead to catch him. Soungoula tricks him into revealing that he’s not dead, but he eventually ambushes soungoula in his own lair.
Theme Group: Sham dead
Character Hero: Soungoula
Source: Contes, Devinettes et Jeux de Mots des Seychelles. Diallo et al., (1983). Editions Akpagnon / ACCT. pp. 32-36
Origin: East Africa
Thompson Motif Index: K1822.2. Fox disguised as scholar K607.3. Sham-dead man deceived into making gesture. K931. Sham nurse kills enemy’s children.
View Story

SOUNGOULA EK LYON

Summary :

Soungoula pretends to teach Lion’s children, but eats them instead. When Lion finds out, he chases sougoula and plays dead to catch him. Soungoula tricks him into revealing that he’s not dead, but he eventually ambushes soungoula in his own lair.
Thompson Motif Index: K1822.2. Fox disguised as scholar K607.3. Sham-dead man deceived into making gesture. K931. Sham nurse kills enemy’s children.
Source: Contes, Devinettes et Jeux de Mots des Seychelles. Diallo et al., (1983). Editions Akpagnon / ACCT. pp. 32-36
Origin: East Africa
Character Hero: Soungoula
Theme Group: Sham dead
View Story

All Right Reserved To UNISEY & CI

error: Content is protected !!

SOUNGOULA EK LYON

En zour, pandan ki Soungoula ti a pe rod son manze dan bwa, i zwenn Lyon ek son set piti. Ler i trouv Lyon, i fini per. I pa perdi sanfwa e i sey zwe son kannot. I dir:

  • Frer Lyon, mon frer, mon pa krwar en granmoun koman ou i kapab fer sa! Sa bann manrmay pa ni lekol ni nanryen, zot pe grandi dan nean koumsa !

Lyon i vin bet. I dir :

  • Mon pa ankor met zot lekol.

Soungoula i dir :

  • Me ou annan pese, mon brav, pa fer sa, mwan mon fer lekol. Laba kot mwan, i annan en parti pour konminyen. La konmela, en parti i konn koz angle, en parti ‘Sekaoude’! Mon dir ou zot koz byen ‘Sekaoude’! Nek donn mwan ou bann piti, ou a gete. Selman ler ou vini, pa antre dan lakour, debout anler lo miray.

Lyon i dir :

  • Bon, wi!

Soungoula pou manz tou piti Lyon, i pa oule Lyon i antre se li, sansan Lyon i a konnen. I dir :

  • Be kan ou pou anmenn zot ?

Lyon i dir :

  • Demen !

La Soungoula i antre anba son pti ta fey, e i dormi. Lannmen bomaten i leve, i debout obor miray. Miray saler pour dimoun, pa pour li. Femel lyon ki anmenn piti. Femel lyon i aprose ek piti. Soungoula i fer kont tou piti. Soungoula i dir :

  • La i byen la. Zanfan, vini zot a zwenn tou zot pti kanmarad! I annan ki konpran en pe, i annan ki dan zero. Taler lekol pou komanse.

Saler Soungoula ti feb, feb, feb. I pa ti ankor manz nanryen pandan sepa konmyen zour. Alor i pran zanfan i anmenn anba son pti ta fey, e i dormi, zanfan toultour li. En moman apre i leve, i anponny enn, i manze.

Tanto katrer Papa Lyon i vini. I dir :

  • Bonswar bonswar !

Soungoul i reponn :

  • Bonswar mon frer. Lontan mon ti pe esper ou! E manrmay ! Vini, zot papa in arive !

I tyonbo i lev anler e i konte:

  • Enn, de, trwa, kat, senk, sis, set.

Saler ti annan zis sis. I’n lev enn de fwa. Koman Lyon i vir ledo, Soungoula i bag en lot i manze.

Lannmen bomaten femel lyon i vin get en kou zanfan. Konte tou zanfan i byen. Ler i ale, Soungoula i bag en lot i manze. Ale ale, Soungoula i manz tou zanfan Lyon. Ler i ti’n fini manz tou zanfan Lyon, Soungoula i fer en pti marse. Lyon i trouv li i kriy li :

  • Soungoula… Soungoula… a… a.

Soungoula pa reponn. Lyon i vin get kot zanfan ti ete. Napa zanfan ! Lyon in anraze. Tay ek Soungoula. Soungoula i mont dan en pyedibwa. Lyon anba pyedibwa i zwe mor. Me Soungoula ki pa ni bet i donn Lyonn ek en riz. I dir :

  • Nou zanset ti touzour dir ki kan en zannimo i mor, i bat bat en pe son lizye ek son lake e osi son zorey.

Lyon gran lenbesil, pa i al fer ! Soungoula i dir:

  • Pa mwan ki ou a manze!

I sot lo en lot brans i ale. Lyon i dir:

  • Ale ou! Annan en zour!…

Kot pou sey bar Soungoula ? Dan kap ! Me pa nobou. Soungoula i war li. Sak fwa i trouv Lyon i taye. En zour ler i’n al rod manze, Lyon in kalkil li. I kasyet li anba sa ta lapay kot Soungoula i dormi. Soungoula i vini, son vant byen plen. I pa konnen si Lyon pe esper li. Koman i arive, Lyon i anvoy son grif, i tyonbo Soungoula. A! Soungoula i sote. I dir:

  • Ou vin get zanfan? Espere, mon a al sers zot!

Saler Lyon pa tande. Lyon i dir:

  • Get sa ta lezo ki la. Ou’n fini manz tou mon piti !

Lyon i kas likou Soungoula, e manz li parey Soungoula ti manz son piti.