Folklore

Folklore

Filter By Category

Fairy Tale
Miscellaneous
Legend
Supernatural
Trickster
Tizan
View Mix Category

Share Link On Social Media

MARYAZ KONPER LYEV Hare's marriage

Summary :

Hare gets married and his wife becomes pregnant. She asks for a wolf’s eggs. Hare tells her that wolves don’t lay eggs, but he knows he has to fulfill a pregnant wife’s wish, so he goes searching. After much discomfort, a dwarf shows him where to dig for the wolf’s eggs. He takes them down to his wife who eats them all, then she gets sick and dies. Hare’s inlaws go after him and get Monkey instead.
ATU: ATU 96
Theme Group: Impossible wish
Character Hero: Lyev
Source: Soungoula ek bann Konper (2004), Penda Choppy & Norbert Salomon, Lenstiti Kreol, Au Cap. pp. 52-52
Origin: Sey/East Africa
View Story

MARYAZ KONPER LYEV Hare's marriage

Summary :

Hare gets married and his wife becomes pregnant. She asks for a wolf’s eggs. Hare tells her that wolves don’t lay eggs, but he knows he has to fulfill a pregnant wife’s wish, so he goes searching. After much discomfort, a dwarf shows him where to dig for the wolf’s eggs. He takes them down to his wife who eats them all, then she gets sick and dies. Hare’s inlaws go after him and get Monkey instead.
ATU: ATU 96
Source: Soungoula ek bann Konper (2004), Penda Choppy & Norbert Salomon, Lenstiti Kreol, Au Cap. pp. 52-52
Origin: Sey/East Africa
Character Hero: Lyev
Theme Group: Impossible wish
View Story

All Right Reserved To UNISEY & CI

error: Content is protected !!

MARYAZ KONPER LYEV

Sirondann!

Zanbaget!

Apre tou sa bann bandisite ki Konper Lyev in fer dan son lavi alafen i deside pour li marye. Son papa, son manman, ek tou son bann fanmir i dir li rod en konpanny pour li fer en fanmir.

Alor Konper Lyev in ale e i’n demann maryaz kot en fanmir lapen. Zot in deside pour les li marye avek zot fiy. Apre trwa mwan ki Konper Lyev ti’n marye avek son zenn danm, son danm ti trouv anvwadfanmir (ansent). Konper Lyev ti tre kontan ki son madanm ti pe al ganny pti baba. En zour, son madanm i dir avek li i annan en lanvi.

Prezan Konper Lyev i demann li, “Ki kalite lanvi ou pe dir mwan?”

Son madanm i dir ek li i ganny lanvi manz dizef loulou.

Konper Lyev i dir avek son madanm, “Be Loulou pa ponn!”

Son madanm i dir avek li, “Fodre ou al rod sa dizef loulou pour mwan !”

Konman zot konnen dan tou zistwar Konper Lyev i en gran saser ki travay dan lafore. I’n konbat avek plizyer gro gro zannimo parey Konper Lelefan, Papa Tig, Frer Torti ek Frer Zako.

En zour bomaten,Konper Lyev i leve, i pran son kanasyer, i met lo son zepol ek son fizi e mont dan lafore. Ler i ariv dan leo Lanmizer dan en ta fouzer kot i pase, i zwenn bann gro gro mangwak. Sa bann mangwak i konmans pik li partou lo li – son lanmen ek son lipye partou i anfle. Kantmenm sa i kontinyen son larout menm. Ler i ariv pli o dan leo Kafe Amol, i zwenn bann gro gro skorpyon, kameleon e zot ti konmans pik li partou lo son ledo, lipye e partou lo son lekor.

Enn ler i dir dan li menm, “Ki mon’n viri rode dan lafore? Mon pe ganny devore par bann gro zensek. Me toudmenm mon bezwen trouv sa dizef loulou pour mon madanm.”

I kontinyen monte menm. Ler i ariv pli o obor sa pye moulapa, o moman ki i komans fouy obor sa pye moulapa, en pti bonnonm grander en pti baba avek en gran labarb blan i aparet ek li. I demann avek Konper Lyev, “Ki ou pe fouye obor mon pye dibwa?”

Konper Lyev i dir son madanm in tonm ansent i annan en lanvi. E sa pti bonnonm i dir avek li ki sa lanvi. I dir avek li ki son madanm i ganny lanvi manz dizef loulou. E sa pti bonnonm i dir avek li, sa fodre ou pey ser pour trouve.

I dir get konman son lekor in anfle partou. Salerla Konper Lyev i a pe soufer avek sa pike zensek ki i’n gannyen. Toudmenm, sa pti bonnonm i dir avek li kontinyen fouye. Ler Konper Lyev ti’n fouy apepre trwa pye fonder, i trouv bann gro dizef kol an de ki monte. Sa pti bonnonm i dir avek li sanmenm sa dizef mangoula, dizef loulou sa.

Konper Lyev i konmans anmas en douzenn e met dan son kannarsyer, i pran son larout pour al kot son madanm.

Ler i arive, i war son madanm dan fotey pe esper li. I dir ek li i nepli kapab espere. Aprezan Konper Lyev i dir avek li, “Wi mon’n gannyen ou dizef loulou.”

Son madanm i degaze i pran boulwar, me Konper Lyev i dir avek li, “Bwar kri! I bon menm. Fer lonmnet i bon, mole i bon menm. Si ou pa oule mole ou kapab bwi.”

Son madanm i dir avek li i prefere bwi. Son madanm i kas apepre en sis dizef pour li fer lonmnet e i pran lezot sis i bwi.

Ler ti’n pare sa madanm i konmans manz dizef loulou. Sa zour i pou manz a koule menm. Ler sa madanm ti’n fini manze, i ti ganny lanvi al dormi. Ler i’n ariv dan minwi diswar, Madanm Lyev i dir avek Konper Lyev i nepli kapab tenir. I vin en douler dan son vant.

Konper Lyev i dir avek li, “Pti loulou sa.”

Ler ti’n ariv dan de er bomaten, sa madanm pe plennyen dan lakaz. Ti annan en gro lisyen Konper Lyev anba lakaz. Ler i ti tann Madanm Lyev pe plennyen sa gro lisyen i konmans ronfle anba lakaz. Ler ti’n ariv apepre dan senk er bomaten Konper Lyev ti nepli kapab tenir. I ti krwar ki son madanm ti dan lagoni.

Konper Lyev i al kot lakaz son boper ek son belmer, i dir avek zot ki zot fiy i byen malad pre pour mor. Prezan son boper i dir avek li, “Be ki i’n gannyen?” ‘ ·

“Ou fiy in fer mwan donn li dizef loulou.”

Ler konper Lyev pe retournen ek son boper ek son belmer i zwenn Frer Zako dan semen. Konper Lyev i dir ek Frer Zako, “Annou al en kou dan lakour.” .

An arivan kot lakour madanm Konper Lyev ti’n fini mor. Son boper ek son belmer ti sitan ankoler, zot ti atrap nenport pour bate, pour touye. Konper Lyev ti ganny sans sape dan lanmen son boper e tay dan lapay. Aprezan son boper ek son belmer i atrap Frer Zako e fou li en bate an mor.

N.B: Sours sa de dernyen zistwar i Jacob Marie, alyas ‘Ton Pa’. Zistwar kolektepar Norbert Salomon