Informant: Mrs. Elina Brioche François, Anse Boudin, Praslin. 71 yrs. Recorded 25/07/2021. Researchers: Penda T. Choppy & Cindy Moka. Transcribed by Cindy Moka, Sept. 2021.
Ti annan en tantin zot ti dir li madenn. Li i ti en tantin sorsye menm li.i ti annan li en gro gwat anba son likou. Tou sa louvraz i sorti kot li ler ou konnen lekol i large. I al asiz dan bor semen. Prezan i annan marmay ki zot granmoun in koz ek zot, zot napa respe. Zot granmoun in koz ek zot in dir zot ou war ler ou war entel lo semen. Ou dir li Bonzour pase. Prezan ler ou war tousala tel dimoun i don ou en keksoz. Ou war en dimoun i donn ou en keksoz dan semen. Ou war nou nou granmoun i dir nou, si en dimoun i donn ou en keksoz dan semen, tel ki en limonad, ou anmenn kot lakour avan.
Prezan sa tantin ler i konnen lekol pe large in vinn asize obor semen i glonfle. I ti annan gwat i gonfle parey en gro den. Zot ti dir li Madenn. Prezan marmay zot debout i war.
C.Moka: Zot riye?
Mm. Elina: Ler marmay war i debout i riye. Ou konnen ki I dir “En ou riy sa ou mon piti. Tanto ou a soz pli pre.” Be la ou si ou sorti lekol ou pann vin repet kot ou fanmiy la.