Folklore

Folklore

Filter By Category

Fairy Tale
Miscellaneous
Legend
Supernatural
Trickster
Tizan
View Mix Category

Share Link On Social Media

KADER

Summary :

The King sends Kader to the sun to ask a question. On his way, he saves a little fish and a little bird who promise to help him in return. He also meets some battling rocks and logs who tell him to ask the sun for their replacements. Kader obtains answers to all questions, but is asked to go find the Queen of the sea as the King’s bride. The little fish has grown and helps him. then the king sends him to get the elixir of youth and the birds help him, but also give him a death potion. The king becomes young again, but when he starts aging again and sends Kader for the elixir again, Kader gives him the death potion and acquires his wife.
ATU: ATU 554 The Grateful Animals
Theme Group: Hero sent on quest
Character Hero: Man
Source: Contes, Devinettes et Jeux de Mots des Seychelles. Diallo et al., (1983). Editions Akpagnon / ACCT. pp. 72-80
Origin: Unknown Possibly Europe or Asia
View Story

KADER

Summary :

The King sends Kader to the sun to ask a question. On his way, he saves a little fish and a little bird who promise to help him in return. He also meets some battling rocks and logs who tell him to ask the sun for their replacements. Kader obtains answers to all questions, but is asked to go find the Queen of the sea as the King’s bride. The little fish has grown and helps him. then the king sends him to get the elixir of youth and the birds help him, but also give him a death potion. The king becomes young again, but when he starts aging again and sends Kader for the elixir again, Kader gives him the death potion and acquires his wife.
ATU: ATU 554 The Grateful Animals
Source: Contes, Devinettes et Jeux de Mots des Seychelles. Diallo et al., (1983). Editions Akpagnon / ACCT. pp. 72-80
Origin: Unknown Possibly Europe or Asia
Character Hero: Man
Theme Group: Hero sent on quest
View Story

All Right Reserved To UNISEY & CI

error: Content is protected !!

KADER

Ti annan en zonm ki ti apel Kader. En zour Lewa i dir ek li :

  • Kader, al kot soley e demann li akoz i lev rouz e i kous rouz.

Anfen, Kader i ale. Ler i pe pas obor lanmer, i zwenn en pti karang ki laroul in anvoy lo lans. Kader i retourn li dan lanmer e pwason i dir:

  • Mersi Kader, ler ou a bezwen mon servis, ou a touzour war mwan.

Kader i dir:

  • Me ou en pwason dan dilo, ki mannyer ou kapab rann mwan servis?

Kader i kontinyen son semen. Dan son pe pas dan bwa, labriz ti for e en pti merl ti’n tonbe dan son nik. Alors Kader i anmas li e remet li dan son nik. Manman ek papa merl ti byen kontan e zot dir li ki en zour zot a rann li laparey. Me ankor Kader pa ti oule krwar.

Dan son semen i zwenn de ros pe lager. Ler i apros zot, zot demann li :

  • Kot ou pe ale ?

Alors i dir zot :

  • Mon pe al kot soley.

Zot sezi loportinite pour dir li :

  • Demann soley pour anvoy nou ranplasan, akoz depi later i later nou pe bataye.

Kader i dir :

  • Pa trakase, mon a fer zot konmisyon.

En pe pli devan i zwenn de tron dibwa ki pe lager. Zot dir :

  • Kader, kot ou pe ale ?

Kader i dir :

  • Mon pe al kot soley.

Zot dir :

  • Dir soley anvoy de lot dibwa pour ranplas nou akoz nou fatige. Depi later i later nou pe lite.

Kader i dir:

  • Dakor, mon a dir li!

An arivan kot en larivyer, Kader i trouv en pon. I met son lipye lo la e pon i bouze. Alor i avanse. Ler i ariv dan milye, en gran angi i aparet. Moustas pli gran ki mon lazanm! Sa angi pe tini sa pon lo son lake. I dir:

  • Kader, kot ou pe ale?

Kader i dir :

  • Mon pe al kot soley.

Angi i dir :

  • Dir soley anvoy en lot angi pour tini pon. Mwan mon’n fatige.

Kader i dir :

  • Tre byen. Mon a fer sa pour ou.

Letan Kader i ariv kot soley, trwakar son reyon ti’n disparet dan lorizon. Kader ti kriy li. Soley i dir:

  • Sa ki pe kriy mwan la?

Kader i dir :

  • Mwan Kader ki pe vin kot ou. Lewa in anvoy mwan demann ou, akoz ou lev rouz e ou kous rouz.

Alor soley i dir ek Kader :

  • Dir Lewa al legliz e per i a dir li akoz mon lev rouz e kous rouz. Dir li travay ledimans pour li pey son det e ki i annan larenn pwason ki pli zoli ki son defen madanm.

Apre Kader i dir li:

  • Ros, angi ek tron dibwa i dir ou anvoy zot ranplasan.

Alor soley i dir ek Kader:

  • Dir zot premye dimoun ki pase, fer li vey semen e zot zot a al poze.

Ler Kader i ariv kot angi, angi i demann li:

  • Ou ti dir mon konmisyon soley?

Kader i dir li :

  • Wi, me selman fodre ou les mwan pase avan, apre mon a dir ou.

Alor angi i donn li semen. Apre Kader i dir li :

  • Soley i dir ou, premye dimoun ki pase, fer li menm tini pon. Ou ou a al repoze.

Toudswit angi i dir li :

  • Me alor vin tini pon!

Me Kader i fer konmsi i pa tande. An arive kot dibwa ek ros, menm zafer i arive. Kan Kader i donn zot zot repons ki soley in donnen, zot oule fer li reste pour vey semen. Anfen i ariv kot Lewa. Lewa i demann li:

  • Ki soley in dir?

Kader i dir li:

  • Soley i dir ou al legliz e per i a dir ou akoz i lev rouz e i kous rouz, travay ledimans ou a pey ou det, e i annan larenn pwason ki pli zoli ki ou defen madanm.

Zot! Lewa ti’n fini kontan. I dir ek Kader :

  • Mon oule ki ou al sers mwan larenn pwason.

Alor Kader i pran son pti bato, i anmas son kab, i naz son zaviron ver kannal. I zwenn en karang. Sa karang i dir li:

  • Kader ou rekonnet mwan?

Salerla karang in grosi. Kader i dir:

  • Mwan mon pa rekonnet ou.

Karang i dir :

  • Ou menm ki ti sov mon lavi ler laroul ti swe mwan lo lans. Ki ou a pe fer ?

La Kader i dir :

  • Mon a pe al rod larenn pwason. Lewa in anvoy mwan vin sers li!

Pwason i dir:

  • Pa trakase. Mon a al sers li pour ou.

Alor karang i anmenn larenn pwason, i donn Kader. Kader i pran larenn pwason e i anmenn kot Lewa. Zot Lewa byen kontan. Larenn zoli! Seve tap lo fes, lizye ble! Pa zouzou! Lewa pa konnen ki pour fer! Kas dan pye met dan pos; tir dan pos pa konnen kot pour mete, telman larenn pwason i zoli! Nek i a pe anbrase menm. I pa konnen ki pour fer! Lannen i ale e Lewa i vin vye. Alor i dir ek Kader:

  • Kader, al rod en latizann par la ki a fer mwan vin zenn ankor!

Kader i dir li :

  • Mon rwa, kot mon pou ganny latizann la ?

Lewa i dir :

  • Mars marse, kekfwa ou a trouv en dimoun ki a kapab donn ou en pti remed.

Alor Kader i ale. Dan son pe marse i zwenn en manman merl ek en papa merl. Me Kader pa rekonnet zot. Papa merl i dir :

  • Ler nou piti ti sorti dan nik ti tonm ater, ou ti anmas li e ou ti remet li dan nik. Ou ti rann nou en gran servis, alor nou pou rann ou nenport ki servis ki ou oule.

Kader i dir :

  • Lewa in dir mwan al rod en latizann ki fer retourn zenn.

Alor manman merl ek papa merl, zot fer Kader anba ros kot zot nik ti ete pangar zot piti i tonbe pandan zot labsans. Zot, zot pran sakenn en fyol e zot anvol ver lesyel. An arivan laba, mal i pran set gout delo lanfer, e femel i pran set gout delo paradi. Son lannmen midi ki zot ariv kot Kader. Femel i dir ek Kader:

  • Pran sa delo paradi donn Lewa i a bwar e i a retourn zenn.

Mal i dir li:

  • Pran sa delo lanfer anmas ek ou. Kekfwa en zour ou a bezwen li.

Kader i remersi zot e i ale. Lewa saler ti pe esper ek pasyans. Ler Kader i arive, Lewa byen kontan. I bwar sa delo paradi e i retourn zenn ankor. Zot, Lewa ti’n vin manrmay! Larenn osi byen kontan. May Lewa dan son likou e anbras li. Me sa lazenes pa pour touzour. En bon pe lannen i pase e Lewa i vye ankor. En zour Lewa i remarke i a pe vye ankor. I dir ek Kader :

  • Me ki dir, mon a pe vye ankor!

Kader i dir avek li:

  • Be wi mon rwa. Mon a pe ale.

I ale i pran sa latizann ki mal merl ti’n donn li e i donn Lewa. Lewa i bwar sa delo lanfer. Detrwa zour apre i mor. Kader i ganny lavil Lewa. Larenn osi byen kontan, i menaz ek Kader. En zour mon pase mon dir:

  • Ki dir Kader, ou fin ganny zoli fanm!

Kader byen ankoler, i donn mwan en koudpye mon vin tonm la!

Contes, Devinettes et Jeux de Mots des Seychelles. Diallo et al., (1983). Editions Akpagnon / ACCT. pp. 72-80