Folklore

Folklore

Filter By Category

Fairy Tale
Miscellaneous
Legend
Supernatural
Trickster
Tizan
View Mix Category

Share Link On Social Media

FRER ZAKO I TOUY SON MANMAN Brer Monkey kills his mother

Summary :

Hare makes a deal with Monkey to kill their mothers for food. Hare lets Monkey kill his mother first, then allows his own mother to escape. The monkeys catch Hare and tie him up to be burnt as punishment, but he convinces them that only setting him loose in the morning dew will kill him.
Theme Group: Killing mothers
Character Hero: Lyev
Source: Soungoula ek bann Konper (2004), Penda Choppy & Norbert Salomon, Lenstiti Kreol, Au Cap. pp. 48-49
Origin: East Africa
View Story

FRER ZAKO I TOUY SON MANMAN Brer Monkey kills his mother

Summary :

Hare makes a deal with Monkey to kill their mothers for food. Hare lets Monkey kill his mother first, then allows his own mother to escape. The monkeys catch Hare and tie him up to be burnt as punishment, but he convinces them that only setting him loose in the morning dew will kill him.
Source: Soungoula ek bann Konper (2004), Penda Choppy & Norbert Salomon, Lenstiti Kreol, Au Cap. pp. 48-49
Origin: East Africa
Character Hero: Lyev
Theme Group: Killing mothers
View Story

All Right Reserved To UNISEY & CI

error: Content is protected !!

FRER ZAKO I TOUY SON MANMAN

En zour, Konper Lyev i grat son latet en kou, i fer en kou rezon. I dir ek son dalon Zako,

“Zako mon frer, nou manman pa les nou fer nanryen . Ni marye, ni marsaye, ni anmize, ni nanryen! Be ki nou pour fer? Annou vann nou manrnan, nou a ganny sa larzan nou a diverti kontan!

Frer Zako i mazin en kou. Vre, zot manman nek ti anpes zot fer tou keksoz. Ni larzan zot ti napa. Si zot ti vann zot manman, zot ti a ganny en bon mannyer larzan pour zot depanse.

Konper Lyev pli i mazinen, pli son plan i vin pli bon.

“En Frer Zako? Lerwa, i kontan salmi zako ek sive lyev li. Be i a byen kontan si nou vann nou manman avek li. Mon asir ou, nou a ganny en bon larzan, e an plis, nou manman i a aret fatig nou !”

Frer Zako i fini bat dan bogi! Li i ti annan kat lanmen, i ti al rod en bon lakord lalyann byen for e i ti garot son manman byen avek. Konper Lyev li, ki ou krwar? I ti’n fini donn son manrnan tou detay. I ti al rod en pe lapay kann e i ti anrnar son manman avek.

An arivan dan semen Lerwa, Konper Lyev i debout en kou. I kalkile, “La, mon bezwen fer sir lakord i kase. Savedir mon bezwen zet pake ater for!”

“Zot, sa pake i lour. Annou poz en kou. Zet sa pake ater byen for en! Pa fer konmsi ou met ater dousman!”

Zako vre nek i fwet son manman ater. Be lakord lalyann ti for. Pa ti kase. Konper Lyev li ler i ti fwet son manman ater, lapay kann ti fay, i ti kase e son manman ti boure dan lapay! Be ki ou krwar ou? Sanmenm laranzman ki zot ti’n gannyen! Si Konper Lyev ti’n anmar son manman ek lakord lalyann, lakord pa ti pou’n kase, son manman pa ti pou’n kapab sape. Konper Lyev ti fer konmsi i etonnen.

“Zot be la i sape. Tyonbo li!”

Be kot zot pou ganny Manman Lyev zot? Kot i’n ale, zekler! Konper Lyev i dir ek Frer Zako,

“Be la annou anmenn sa lot kot Mon Rwa enn fwa avan li osi i sape. Taler nou pa a ganny ditou larzan. Apre pli tar nou a rod mon Manman pour nou al vann li.”

Zako pa ganny en konpran menm. I degaze i anmas son manman e zot ale. Vre Lerwa ti byen kontan pour ganny salmi zako. I ti pey zot byen. Sa de zanmi ti manz zot larzan e diverti kontan konmsi zot ti napa en traka. Me ler larzan ti’n fini, Zako ti komans mazin Manman Lyev. “Mon Konper, be oli ou manman? Kan nou pou tyonbo li pour anmenn kot Lerwa?”

“Mon zanmi, sa ou kapab ek li sa? Be i’n fini ale dan lapay. Pa pou bat ek li ankor!” Fanmir Zako i fer laranzman. Prezan ki zot mazinen ki Lyev in trik Frer Zako. Be vre, sa larzan Manman Zako, Manman Lyev li osi in manz son par ladan! Bann zako ti’n determinen pour fer Konper Lyev peye! Zot ti vey li en zour gran maten ler i ti pe sorti dan son trou e zot ti souk li! Zot ti anmar li e ferm li. Tou lannwit bann zako ti fer konsey de fanmir ki mannyer pour touy Konper Lyev. Zot ti bezwen fer sir parski Konper Lyev ti telman rize. Anfen, zot ti deside ki sel fason pour fer sir i mor menm se pour bril li. Kot i ti ete, Konper Lyev ti tann zot. Son leker i sote, me i anmar leker e i komans riye. I riye, i riye, i riye. “Kwa, kwa, kwa ! Bril mwan! Sanmenm ki mon oule! Bril mwan menm!”

Zako i enkyet. Be la ki i pe riye? En en. I annan keksoz ki pa byen. Fodre rod en lot metod! Lyev i fer konmsi i koz tousel. I dir, “Si Zako i zet mwan dan pti laroze gran maten, sanmenm ki pour touy mwan. Selman fodre pa i konnen, sanse i pour fer mwan sanmenm!”

Be Konper Lyev ti konnen bann zako ti ape ekout li. I war zot kot zot taye pour al raport sa ki zot ti’n tande. I mor riye dan li menm!

Vre son lannmen, Zako i dir ek Konper Lyev,

“En! Be la ou krwar mon pou zet ou dan dife? Be non! Mon pou zet ou dan laroze gran maten!”

Konper Lyev i tonm laba i kriye, “Ar wi zot we! Zot pa zet mwan dan laroze gran maten! Si ou zet mwan dan laroze gran maten mon pou mor Frer Zako. Pa fer sa.”

Zako ti’n fini konvenki ki sanmenm ki pour touy Konper Lyev. Zot ti delarg li e tyonbo li par son de zorey, trenn li ziska kot laplenn, apre zet li dan laroze gran maten. Be pa ou konnen ki ti arive ou? Konper Lyev i ale lapo patat!