Folklore

Folklore

Filter By Category

Fairy Tale
Miscellaneous
Legend
Supernatural
Trickster
Tizan
View Mix Category

Share Link On Social Media

FIY KI PLER LARZAN The girl whose tears was money

Summary :

Three sisters marry the king’s cook, the king’s butler, and the youngest sister marries the king himself. The youngest sister wished to give birth to a girl who sheds tears of money, and two boys, one with a moon on his forehead, the other with a star. It comes to pass and the elder sisters dispose of the babies, replacing them with dogs. The king has the queen tied to a tree and spat on by the public. The children are rescued by an old Indian, and they have several aventures, and are eventually reunited with their parents, with the help of the dancing water, the mellon with pearls and the talking bird.
ATU: ATU 707 The Three Golden Children AT 707 Dancing Water, Singing Apple, and Speaking Bird
Theme Group: the calumniated wife
Character Hero: Children
Source: Heritage Research Section, Informant: Bella Ruspanche
Origin: Arab
Thompson Motif Index: H71.1. Star on forehead as sign of royalty. L162. Lowly heroine marries prince (king). K2115. Animal-birth slander. K2110.1. Calumniated wife. R131.2. Miller rescues abandoned child.
View Story

FIY KI PLER LARZAN The girl whose tears was money

Summary :

Three sisters marry the king’s cook, the king’s butler, and the youngest sister marries the king himself. The youngest sister wished to give birth to a girl who sheds tears of money, and two boys, one with a moon on his forehead, the other with a star. It comes to pass and the elder sisters dispose of the babies, replacing them with dogs. The king has the queen tied to a tree and spat on by the public. The children are rescued by an old Indian, and they have several aventures, and are eventually reunited with their parents, with the help of the dancing water, the mellon with pearls and the talking bird.
ATU: ATU 707 The Three Golden Children AT 707 Dancing Water, Singing Apple, and Speaking Bird
Thompson Motif Index: H71.1. Star on forehead as sign of royalty. L162. Lowly heroine marries prince (king). K2115. Animal-birth slander. K2110.1. Calumniated wife. R131.2. Miller rescues abandoned child.
Source: Heritage Research Section, Informant: Bella Ruspanche
Origin: Arab
Character Hero: Children
Theme Group: the calumniated wife
View Story

All Right Reserved To UNISEY & CI

error: Content is protected !!

FIY KI PLER LARZAN

Bella RUSPANCHE

Trwa fiy. En zour zot marse. Be trwa ser. I tonm dan lale kot lerwa. Me kwizinyen Lerwa i lo pye ponm i pe kas ponm. Premie i dir:

  • Zot! Mannyer nou mizer, mwan, mon ti a voudre marye ek kwizinyen lerwa. Mon ti a gout lasos avan lerwa.

Dezienm ser i dir:

  • Mwan mon ti a voudre marye ek domestik. Tou restan ki ti a sorti atab mon ti a gannyen.

Dernyen i dir:

  • Mon mon ti voudre marye ek lerwa menm. Mon ti a fer trwa zanfan. De pti garson, en pti fiy. Mon pti fiy ti a pler larzan. Mon pti garson enn ti a annan zetwal lo fron, enn lalin.

Sa kwizinyen i sorti i akont lerwa. Lerwa i sorti, i fer zot vini. I demande, la sa enn premie I dir:

  • Mon rwa, mon ti a voudre marye ek kwizinyen, mon ti a gout lasos avan lerwa.

Dezienm i dir:

  • Mon ti a voudre marye avek domestik, tou restan ki sorti atab mon a gangnen.

Trwazienm i dir:

  • Mon, mon ti a voudre marye ek lerwa menm. Mon ti a fer trwa zanfan. Mon pti fiy ti a pler larzan, mon garson lalin lo fron, enn zetwal lo fron.

Vreman zot in marye zot trwa. La Lerwa in kouri i al fer voyaz. Koman dan Moris. I dir ek son de belser:

  • Si zot ser i gangne trwa zanfan, sonn laklos an or, si i gangne de, sonn laklos an arzan, si i gangne enn sonn laklos an kwiv.

Zour sa madanm pou gangn son baba, son bann ser i anmar son lizie. I gangn en fiy, de garson. I pran de bando, i met lo sak garson, i met zot dan en kes i met dan zarden. I pran de pti sien, en pti siene i met dan plas sa madanm, i sonn laklos an kwiv.

Ler lerwa i vini, i demande, kine arive?

  • Nou annan en nouvel, ou madanm in fer de pti sien, en pti sienn.

Lewa in fini ankoler. I pran son madanm anmar dan simen tou sa ki pase, kras lo li. Me depi letan, letan, sa trwa zanfan in for laba dan zarden. Malbar in anmase. I songn zot. Sa pti piti, maline, maline.

En zour i al pronmnen. Son de tantine, i kriye:

  • Kras lo li zanfan.

I dir:

  • Non dimoun pa krase lo son kanmarad.

I dir ‘Papa o?’ Ek sa bonnonm Malbar

  • Kler seval dibwa pour mwan.

Son de tantine i dir:

  • Sa mirak.

I dir:

  • Be pa mirak, ki mannyer, madanm lerwa ti fer en pti sienn, de pti sien.

Sa bann tantine i dir:

  • Ou war sa, pou fer nou gangn dezagreman.

Zot ale zot al fer gato. I anmennen, I demann zot si zot pa aste. Son pti frer I pler i dir:

  • Zot a mor zot.

I aste i met lo miray, lisyen lerwa i vini i manze. Sa lisien i mor.

Sa pti fiy i dir ek sa pti garson:

  • Zot a mor, zot tro voras.

I aste enn, I met lo miray, I donn sa lisyen, lisyen i mor.

I dir:

  • Ou trouve, zot ti a kreve zot.

Lerwa i anvoy apel zot. Zot gran manman laba… zot manman songnen, Malbar, I dir zot:

  • Lasiet ki lerwa I manz ladan, manz ladan, ver ki lerwa I bwar ladan zot osi zot bwar ladan.

Vreman, zot ekoute. Lasiet ki lerwa i manz ladan, zot manz dan menm lasiet, zot bwar dan menm ver.

Ler ariv laba, i dir… En zour I dir ek son manman songnen:

  • Manman anvoy enn mon frer, mon anvoy li lekol.

Zot saler, zot gangn larzan. Li i a pe plere, zot gangne lerwa i anvoy ….. lekol. Li in la, i ranpli son ganmel delo i met la. Son frer i ale.

Ti annan en garson ki tine gangn malediksyon ek son manman. I apel, Kato Fler Deroz.

Me son manman i dir:

  • Tou garson, sa Kato Fler Deroz i bate, fiy i a bat li. Sa fiy ki a bat li sanmenm ki a marye avek.

I anvoy son frer. Son frer i ale. Ler i a bat … I fer ou vine ros. Bate, bate, i sanz lanmen, sanz lanmen, i fer garson vine ros. Li sa, sa pti… sa ganmel delo. Dek ki sa gamel i a savire i konnen son frer in vine ros laba. Son ganmel delo in met lo son latab.

La prezan son manman songnen i demann li kine arive?

I dir:

  • Mon sagren mon frer.

In la, i gangn nouvel, i dir:

  • Mon tande mon frer i bien, aprann ! Mon anvoy sa lot.

Sa lot osi i ale. Be sa simen, I pas la, i vey bann dimoun ki pase i fer vine ros.

I anvoy son lot frer. De twa zour sa ganmel delo i savire. I plere. Son manman I dir:

  • Ki ou gangnen?

I dir:

  • Mon sagren mon frer.

La apre, detrwa zour i dir ek son manman songnen:

  • Mwan osi , mon ale.

La i al kot Barbye. I fer koup son seve. I fer koud en resanz an garson pour li, kot tayer i ale.

I ale, zwenn Kato Fler Deroz. Kato Fler De Roz i dir:

  • Bonzour manmzel.

I dir:

  • Mon pa en manmzel, mon en imsie

Prezan I dir:

  • Ou en manmzel !

I dir:

  • Non, mon en imsie.

I dir: – “Be …

I done li en roten. Zot komanse, fouete, fouete, Kato Fler De Roz, I sanz lanmen. Sa fiy I gangn paryaz. Fiy gangn paryaz aprezan. Li in sanz lanmen ek sa fiy, prezan I done sa fiy en ponyendmen. I dir:

  • Mon ti gangn malediksyon, ek mon manman. Premie fiy ki a bat mwan, sanmenm ki mon a marye avek.

Prezan sa fiy i dir li:

  • Fodre ou fer sa bann dimoun ki la leve.

La i tape, kantite dimoun, en parti in vie. Bann zonm in vie, vie. Son de frer i leve, i ale.

Prezan i pou marye. Zour maryaz, i envit son de tantine, son de tonton, son tonton ki pou marye ek son tantine. In envit lerwa. I envit son manman menm ki zot in anmare dan simen la. I envite. Apre son manman songnen.

In aste li: Boi ki sant, zoizo parl laverite, lo ki dans, dan son moulon I annan perl.

Zour maryaz, lerwa in vini, tou zafer. Prezan i dir ek lerwa:

  • Mon rwa, pas mwan en ver delo, delo i danse. Lerwa i dir:

  • Be sa kisisa, voila en mirak, premie lager ki ariv se mwan, ki a mor.

Kato i reponn laba:

  • Pa mirak non, ki mannyer madanm Lerwa ti fer de pti sien, en pti sienn.

Son de tantine lot i get kanmarad. Li fiy i dir ek li ankor:

  • Mon rwa pas mwan en pe melon silvouple.

Ler i koupe perl i degrennen lo latab.

I dir:

  • Tia tia, premie lager ki ariv se mwan, lekel ki a mor.

Kato i reponn, i dir:

  • Pa mirak mon rwa, ki mannyer madanm lerwa ti fer de pti sien, en pti sienn.

La zoizo i santé. Boi ki sant. Lerwa i dir:

  • La la, en mirak ankor, premie lager ki ariv se mwan, ka mor.

Kato i reponn. I dir:

  • Pa mirak mon rwa. Ki mannyer lerwa ti fer enn pti sienn, de pti sien.

Prezan kato i dir ek lerwa:

  • Mon tengn tou lalimyer, delarg bando sa pti garson.

Vreman … tengnen tou lalimyer, larg sa de pti garson : Zetwal laline in kler, kler.

Sa pti fiy i komans plere, larzan i tonbe lo latab, grennen.

Aprezan lerwa i demande. La aprezan sa madanm i dir:

  • Ler mon ti gangn baba, zot ti anmar mon lizie, mon pa konnen.

La lerwa pran zot sa de zonm sa de fanm met dan en bato les zot ale, al drive.

La lerwa i tournen ek son madanm. Selman i ti regrete, akoz son fiy ti marye ek en garson ki tine gangn malediksyon.