BAYAYA

Alors ene foi ti anan en vie bonome ki ti resté dan boi avek son madame é son dé fiy. Marie ek Jeanette. I ti anan son bitasion dan laforé kot I planté li ek son bonefame. Sak foi i ale planté I anmene son fizi avek li é i ti kontan touy nenport zanimo li i ti trouvé é anmene kot son lakaz.

En zour son bonefame i dir avek li:

• “Bonome ou trouvé sa zafer ki tou zanimo ki ou gagnen ou anmene dan lakour, ou pou fer maler zanfan”.

En zour i touy en gro zoizo, i anmene sé li é anmar sa zoizo ek en pié limon dan koté son lakaz.

Sa zourla, ti tour Jeanette pou netoy lakaz é Marie pou kui manzé.

En métan sa zoizo obor lakaz, sa bononme ine averti son dé fiy pou pa tous sa zoizo, sankoi zot kapab gagne maler.

Malgré lavertisman son papa, Marie i pran son kouto, i koup likou sa zoizo. Dan son léker i dir:

• “Ma gété ki sa zoizo mor i a kapab fer moi”.

Son ser Jeanette, ti ranpli ek lafréyer ler i trouv Marie pe koup sa zoizo. Tou-d-meme i dir li:

• “Marie, papa pa ti dir ou pa tous sa zoizo, ler i pou rétournen i pou bat ou”.

• Pa ou zafer, ou nétoy lakaz”.

Ene pti kou zoizo i santé:

Marie bayaya, Marie bayaya

Koupé moi Dousman

Moi bayaya mon pankor mor

Marie bayaya

Moi bayaya mon koumoulkou

Marie bayaya.

• “Marie mon dir ou kit sa zoizo”.

• “Pa ou zafer.

Prézan Marie i pran zoizo pou li plimen. Zoizo i sant ankor.

Marie bayaya, Marie bayaya

Plimé mon dousman

Moi bayaya mon pankor mor

Marie bayaya

Moi bayaya mon koumoulkou

Marie bayaya

Kanmeme Jeanette i dir Marie zet sa zoizo, i fer komsi I pa tandé. I kontinien prépar sa zoizo. I mélanz disel ek dipoiv pou sézone zoizo.

Marie bayaya, Marie bayaya

Sézone moi Dousman

Marie bayaya

Moi bayaya mon pankor mor

Marie baya

Moi bayaya mon koummoulkou

Marie bayaya

Jeanette i dir li:

• “Marie zet sa bebet”.

• “Non !”

Prézan Marie pou kui sa zoizo. Zoizo i santé meme.

Marie bayaya, Marie bayaya

Kuiyer mon Dousman

Marie bayaya

Moi bayaya mon pankor mor

Marie bayaya

Moi bayaya mon koumoulkou

Marie bayaya.

“ – “Marie zet sa bebet, papa pou vine bat ou”.

Mé Marie pa tandé meme, malgré tou sa pléré ki Jeanette pé pler ek li. Zoizo i santé meme:

Marie bayaya, Marie bayaya

Déviré mon Dousman

Marie bayaya

Moi bayaya mon pankor mor

Marie bayaya

Moi bayaya mon koumoulkou

Marie bayaya.

Jeanette i sey fer li konpran meme.

• “Marie sa bebet i sant dan ou vant”.

• “Les li”

Zoizo ine fini kui, prézan pou tire.

Marie bayaya, Marie bayaya

Tiré moi Dousman

Marie bayaya

Moi bayaya mon pankor mor

Marie bayaya

Moi bayaya mon koumoulkou

Marie bayaya

Marie I tir en gro pla manzé é I met enpé laviane sa zoizo lola é I konmans manzé. Zoizo I santé meme.

Marie bayaya, Marie bayaya

Mordé moi Dousman

Marie bayaya

Moi bayaya mon pankor mor

Marie bayaya mon koumoulkou

Marie bayaya.

Ene pti moman apré ki ine fini manzé, I vine en gro bebet. La prézan I konmans tay deryer tou poul, kanar, koson é tou zanimo dan lakour. I manzé, manzé meme. Ler ine fini manzé tou bane zanimo I vine pli gro é prézan I poursui son ser.

Lontan ler Jeanette ek Marie ti ankor zanfan, Jeanette ti apel Marie diendien. Alor Jeanette i santé an dizan

Manman o nam koman diendien

Papa o nam koman diendien

Finekan moi alé, nam koman diendien

En mezir ki Jeanette pé tayé, i sant touzour. Saler Marie kine vinn sa gro bebet pé kimen deryer li . Son manman ek son papa pa tandé meme.

Manman o nam koman diendien

Papa o nam koman diendien

Finelka moi alé, nam koman diendien

Eneler bonefame i dir:

• “Mon mari, komsi mon atane lavoi mon piti”.

Granoir I dir

• “E ou la, travay aret pares”.

Granoir i done li en koud pios lo latet.

A fors ki Jeanette pé santé anba ene ler sa granoir osi ine tandé. Zour i dir son madame, li osi i done li laparey avek en pios. Apré zot désane. Ler zot désane, labati dan lakour…